| Bitartekaritza berrasmatu |

Elirale-Pantxika Telleria konpainia aitzindaria izan da azken 24 urteetan, dantzaren inguruko mediazio eta sentsibilizazio lanetan. 2021ean, hausnarketa bat abiatu genuen dantzaren inguruan, arte koreografikoa hezkuntzarako eta pedagogiarako tresna gisa baliatzearen inguruan, herritarrenganako mediazioa egiteko.

Lehen helburua “herritarrari materia ematea” bada ere, koreografoa eta konpainiako artistak ere elikatzen dira trukaketa, tailer, topaketa eta lankidetza horien bidez.

Horregatik, konpainiaren proiektu orokorra (sentsibilizazioa, sorkuntza, hedapena) mediazio ekintzen inguruan antolatu da; klasikoenetatik abiatuz (Hezkuntza Artistiko eta Kulturala), berritzaileenetara, besteak beste, usaiaz kanpoko publikoekin.

Konpainiaren proiektua sentsibilizazioaren/mediazioaren ikuspegitik lantzea: “mediazioa, sorkuntza eta hedapena dinamizatzeko gako gisa”.

Egitura eta instituzioek artearen eta kulturaren arloko mediazio eta sentsibilizazio ekintza anitz egiten dituzte. Heldulekuen aniztasun horri esker, hunkitzen diren publikoak biderkatzen dira eta kultura garatzen laguntzeaz gain, publikoak, obrak, arte diziplinak eta artistak elkartzea ahalbidetzen dute. Sortu zenetik, Elirale konpainiak aktiboki parte hartzen du desmartxa horien garapenean.

Esperientzia kapitalizatzeaz gain, partekatzea beharrezkoa :

Koreografoak eta konpainiako artistek terrenoan metatzen duten esperientzia kontzeptualizatzeko eta balorizatzeko, beste begirada batzuetara, beste ikaspen batzuetara eta egiteko beste manera batzuetara jotzeko beharra ukan dugu.

Gogoeta honen abiatzeko, konpainiak erabaki zuen mediazio arloan adituak diren eragile batzuk gomitatzea, bai artearen eta kulturaren arloak ari direnak, baina baita hezkuntzaren arloan ari direnak ere, Akitania Berrikoak (Frantzia) edota Euskal Herrikoak. Partaide horiekin gure esperientziak trukatuz, helburua da ditugun galdeketak partekatzea, ondotik bilan bat ateratzeko eta partaide instituzionalei helarazteko.

Batzuetan gure artea “elitistegia” dela pentsatzen da, beste batzuetan “herrikoiegia”, baina ez al du askotan herritar bakoitzaren gorputza bere mugen parean ezartzen, bere buruarekiko topaketa bat ahalbidetu beharrean, norberarentzat eskuragarria eta beharrezkoa dena balioztatu beharrean? Nola gainditu zailtasun hori dantza herritarrekin partekatzeko, dantza herritarren eguneroko intimoenean edota politikoenean berriz txertatzeko?

“Dantzan Bizi!” proiektuaren inguruko lan-taldea

Paraleloan, Elirale Konpainiak arte koreografikoarekiko mediazioaren inguruan dituen gogoetak bere partaide instituzional historikoekin partekatzen ditu. 2021 hastapenean, ondotik definitua den “lan-talde” bat sortu zen, arte koreografikoaren arloan erreferenteak diren pertsonekin. Erregularki bildu da, alde batetik, arte koreografikoaren inguruko mediazioaren inguruko hausnarketak bateratzeko, eta bestetik, konpainiaren mediazio proiektua “birkokatzeko”.