Urtxintxak udaberrian aurkeztu dugun sorkuntza da, Kalakaño jaialdiaren barruan, Euskal Herri Elkargoak urtero antolatzen duen euskarazko haurtzaroko ekitaldia. 3 hilabete eta 3 urte bitarteko haurrentzat zuzenduta, Ostabateko eta Donazaharreko Lutxiborda haurtzaindegietan egin ziren lehen harremanak. Urrats ikaragarri bat, haur guziek gorputzaren iratzartzeko, dantza eta musikaren iratzartzeko proposamen horren erantzuna balioesteko balio izan duena.
Urtxintxak, euskarazko hitzen eta musika tresna batzuen erritmoz, txikitatik espazio batean libreki mugitzeko, entzuteko eta dibertitzeko bokazioa du. Zenbait animalia izakiren ebokazioak amets egiten laguntzen du eta haurtzaindegietako langileen eta hurbileko senideen laguntzak, besteekin partekatzeko eta loturaren nozioa areagotzen du.
Saio dibertigarri hauek umeentzako dantzaldi batekin amaitu ziren, eta honek, aldi berean, txikiak eta dantza-bikotekideak askatu, barre eginarazi eta mugiarazi zituen.
Lehen hurbilketa arrakastatsu hori hobetzeko, hurrengo hilabeteetan lan musikal, pedagogiko eta artistikorako egonaldiak aurreikusi dira. Bide batez, eskerrak eman nahi dizkiegu Urruñako Udalari eta Euskal Herri Elkargoko Euskara Zerbitzuari, sorkuntza horren garapenean erakutsi duten konfiantzagatik eta lankidetzagatik.
